कराँची– पाकिस्तानमा अर्का एकजना पूर्व प्रधानमन्त्री भ्रष्टाचार गरेको अभियोगमा पक्राउ परेका छन् । हालका प्रधानमन्त्री इमराज खानभन्दा अगाडि सत्तामा रहेका शाहिद खक्वान अब्बासी भ्रष्टाचार अभियोगमा पक्राउ परेका हुन् ।

पाकिस्तानी सञ्चारमाध्यमका अनुसार अब्बासीलाई बिहीबार गिरफ्तार गरिएको हो । अघिल्लो साता मात्रै भ्रष्टाचार आरोपमा पाकिस्तानका पूर्वराष्ट्रपति असिफ अली जर्दारी पक्राउ परेका थिए ।

अब्बासीले तरलीकृत प्राकृतिक ग्यास (एलएनजी)को आयात सम्झौतामा अर्बौं रुपैयाँ अनियमितता गरेको आरोप लागेको छ ।

अब्बासी पाकिस्तान मुस्लिम लिग नजाव (पीएमएल–एन)का वरिष्ठ नेता हुन् । पाकिस्तानका प्रधानमन्त्री नवाज सरिफ भ्रष्टाचार मुद्दामा दोषी ठहर भएपछि अब्बासी प्रधानमन्त्री बनेका थिए ।

आफ्नो प्रधानमन्त्री कालमा (२०७४ फागुनमा) अब्बासी नेपाल भ्रमणमा समेत आएका थिए ।