काठमाडौं – भ्यालेनटाइन डेको अवसर पारेर नायक संजोग कोइराला र नायिका वर्षा राउतले बिहे गरेका छन् । दुई दिनअघि इङ्गेजमेन्ट गरेका वर्षा र संजोगले आज (बिहीवार) काठमाडौंमा हिन्दू परम्पराअनुसार बिहे गरेका हुन् ।

बिहेका लागि यो जोडीले सीमित कलाकार र आफन्तलाई मात्र निमन्त्रणा गरेका थिए । मिडियालाई भने प्रवेश दिइएको थिएन । मंगलवार इङ्गेजमेन्ट गरेका केही तस्वीर बाहिरिएसँगै वर्षा र संजोगको बिहेलाई लिएर फ्यानले चासो देखाएका थिए ।

यो जोडीका बिहेका पनि सीमित तस्वीर सार्वजनिक बाहिरिए ।

वर्षा र सञ्जोगले सात वर्ष लामो प्रेमलाई बिहेमा परिणत गरेका हुन् । यी दुईको एक अडिसनका क्रममा भेट भएको थियो । लामो समय प्रेममा रहेका वर्षा र सञ्जोग मिडियामा पनि खुलेरै आफ्नो प्रेमका बारेमा बोल्ने गर्थे ।

बिहेको खबरसँगै यो जोडीलाई दर्शक तथा फिल्मकर्मीले बधाई तथा शुभकामना दिएका छन् ।