इलाम – प्रहरीले इलामको सुर्योदय नगरपालिका २ टासीगाउँबाट चोरीपैठारीको मोटरपार्ट्स तथा मदिरासहितको बोलेरो पिकअप गाडी नियन्त्रणमा लिएको छ ।

प्रदेश नं १–०३–००१ ज ००१९ नम्बरको गाडीमा राखी भारतबाट अवैध रुपले ल्याउँदै गरेको करीब ७ लाख ८२ हजार रुपैयाँ बराबरको चोरीपैठारीको मोटरपार्ट्स तथा मदिरासहितको बोलेरो प्रहरीले नियन्त्रणमा लिएको हो ।

प्रहरीले गाडीबाट डिजेल पाईप ८ थान, ब्याक लाईट कभर १० थान, इन्डिकेटर लाईट २० थान, पुस अटो स्विज २ प्याकेट, कार्वन १० थान, हेडलाईट १ थान, सिसाफ्रेम १० थान तथा हिट बियर ७२ कार्टुन र सिक्किमे रम ३८ कार्टुन बरामद गरेको छ ।

बरामद मोटरपार्ट्स तथा मदिरा गाडीसहित आवश्यक कारबाहीको लागि पशुपतिनगर भन्सार कार्यालय ईलाममा बुझाईएको प्रहरीले जनाएको छ ।