टोकियो– जापानको क्योटो शहरस्थित एक एनिमेशन स्टुडियोमा अज्ञात व्यक्तिले आगो लगाउँदा १० जनाको मृत्यु भएको छ ।

आगलागीमा परेर अन्य दर्जनौं व्यक्ति घाइते भएका अन्तर्राष्ट्रिय सञ्चारमाध्यमहरुले जनाएका छन् । स्थानीय प्रहरीका प्रवक्ताले समाचार संस्था एएफपीलाई बताएअनुसार बिहीबार बिहान एक व्यक्तिले प्रज्वलनशील तरल पदार्थ छर्केर आगो लगाएका थिए ।

प्रहरीलाई उदृत गर्दै स्थानीय सञ्चारमाध्यमले लेखेका समाचारमा स्थानीय समयानुसार विहान १०:३० बजे ती व्यक्तिले स्टुडियोमा आगो लगाएका उल्लेख छ ।

अग्नी नियन्त्रकहरुले अझै पनि ३० जनाभन्दा बढी व्यक्ति आगोमा फेसका हुनसक्ने आशंका गरेका छन् । ‘आगलागीमा परेका सबैलाई हामी बाहिर ल्याउन प्रयासरत छौं,’ अग्नी नियन्त्रण विभागका प्रवक्ताले समाचार संस्था एएफपीसँग भनेका छन् ।