काठमाडौं – अफ्रिका कप अफ नेसन्समा नाइजेरीया तेस्रो भएको छ । बुधबार राति भएको खेलमा ओडियन इग्लुको निर्णायक गोलमा नाईजेरियाले ट्युनेसियालाई पराजित गरेको हो ।

तेस्रो स्थानका लागि भएको प्लेअफमा नाइजेरियाले ट्युनिसियालाई १–० ले पराजित गर्न सफल भएको हो ।

प्रतियोगिताको सर्वाधिक गोलकर्ता समेत रहेका इग्लुले खेलको तेस्रो मिनेटमै गोल गर्दै नाईजेरियालाई जीत दिलाएका थिए । इग्लुले प्रतियोगितामा सर्वाधिक ५ गोल गरे ।

सेमिफाईनलमा पराजित दुवै टिम तेस्रो स्थानका लागि हुने प्रतियोगितामा भिडेका थिए ।

तीन पटकको विजेता नाईजेरियाले आठौं पटक तेस्रो स्थानमा रहन सफल रह्यो । सेनेगल र अल्जेरियाबीच उपाधिका लागि शुक्रबार प्रतिस्पर्धा गर्नेछन् ।