काठमाडौं- नेपाली फुटबलर विदेशी फुटबल टीमबाट खेल खेल्ने क्रम बढेको छ । यही क्रममा नेपाली राष्ट्रिय फुटबल टोलीका गोलरक्षक किरण चेम्जोङलाई भारतीय क्लब मिनर्वा पन्जाबले अनुबन्धित गरेको छ । भारतको शीर्ष डिभिजन लिग आई लिग खेल्ने पन्जाबले किरणलाई अनुबन्ध गरको हो ।

किरणलाई पन्जाबले अनुबन्ध गरेको बुधबार जानकारी दिएको छ । क्लवको आधिकारिक फेसबुक पेजमार्फत किरण टीममा अनुबन्ध भएको उल्लेख छ । किरणले सन् २०१७-१८ को सिजन पनि पन्जाबबाट खेलेका थिए । किरणले पन्जाबलाई आई लिगको उवाधि दिलाउन महत्वपूर्ण भुमिका खेलेका थिए ।

त्यसपछि माल्दिभ्सको टिसी स्पोर्ट्स पुगेका किरणले त्यहाँ रहेर पनि लिग उपाधि जिते । किरण गत सिजन माल्दिभ्स लिगको उत्कृष्ट गोलरक्षक पनि चुनिएका थिए ।