धनगढी– शहिद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ संघर्ष समितिले आज बिहान सुदूरपश्चिम प्रदेशका प्रदेश प्रमुखको कार्यालय अगाडि धर्ना दिने भएको छ ।

समितिले हिजो प्रदेश सभा भवन घेराउ गरेको थियो । सरकारले २०७९ माघ २९ मा गेटामा शहिद दशरथ चन्द राष्ट्रिय स्वास्थ्य विज्ञान विश्वविद्यालय सञ्चालन गर्ने नीतिगत निर्णय गरेको थियो । नीति तथा कार्यक्रममा पनि सोही कुरा समेटिएको थियो ।

तर, बजेट वक्तव्यमा स्वास्थ्य विज्ञान प्रतिष्ठान बनाउने र एक सय शय्याको अस्पताल सञ्चालन गर्ने भनिएपछि यस क्षेत्रका बासिन्दा आन्दोलित भएका हुन् । 

आफ्नो माग पुरा नभएसम्मका लागि आन्दोलन जारी रहने संघर्ष समितिले जनाएको छ ।