नयाँ दिल्ली- भारतले म्यान्मारमा आएको मोचा आँधीबाट प्रभावित मानिसहरुलाई सहयोग गर्न ‘अपरेशन करुणा’ नामक सहायता अभियान सञ्चालन गरेको छ ।

मोचा आँधीबाट प्रभावित मानिसहरूलाई सहयोग गर्नका लागि भारतले अपरेशन करुणा नामक सहायता अभियान सञ्चालन गरेको हो । यस अभियान अनुसार भारतीय नौसेनाका युद्धपोतहरुले म्यान्मारमा सहायता सामग्री प्रदान गरेका थिए ।

शिवालिक, कमोर्टा र सावित्री गरी भारतीय नौसेनाका तीनवटा जहाजले म्यान्मारको यङ्गुन सहरमा खाद्यान्न, टेन्ट, अत्यावश्यक औषधि, पानी पम्प, पोर्टेबल जेनेरेटर, लत्ताकपडा र सरसफाइका सामग्रीजस्ता सहायता उपलब्ध गराएको भारतीय सञ्चारमाध्यमले जनाएका छन् ।

मोचा आँधीले बंगलादेश र म्यानमारमा व्यापक विनाश निम्त्याएको छ । यसबाट ठूलो मात्रामा जनधनको क्षति पुगेको छ ।