भक्तपुर– नेपाल मजदुर किसान पार्टीका अध्यक्ष नारायणमान बिजुक्छेंले गणतन्त्रपछि पुरानो अपराधीको ठाउँ नयाँ अपराधीले लिएको बताएका छन् ।

गणतन्त्र अघि एकजना राजाले लिएको ठाउँ अहिले धेरै राजाहरूले लिएको उनको भनाई थियो । भक्तपुरमा आयोजित एउटा कार्यक्रममा उनले ठूल्ठूला पदमा बस्नेहरू नै अपराधी भएको दोहोर्‍याए । नेपालीलाई नक्कली भुटानी शरणार्थी बनाएर अमेरिका उठाउनेहरू देशद्रोही अपराधी भएको उनको भनाई थियो । पटकपटक अपराधी शब्द दोहोर्‍याएका उनले एकजना अपराधीको ठाउँमा धेरै अपराधीहरू हुँदा देश यो स्थितिमा पुगेको उनको भनाइ छ ।

 एउटा राजाको ठाउँमा धेरै राजाहरूले ठाउँ लिँदै आएको बताउँदै आएका उनले अपराधीहरूको संख्या झनझन् बढ्ने क्रममा रहेको भन्दै चिन्ता व्यक्त गरे । उनले भने, ती अपराधीहरूले नै देशलाई, जनतालाई दोहोर्याइरहेका छन् । यसकारण जनता सचेत हुनुपर्ने उनको धारणा थियो ।