बर्दिया– बर्दिया प्रहरीले दुर्लभ वन्यजन्तु चित्तलको छाला र मासुसहित १ जनालाई पक्राउ गरेको छ ।
बर्दियाको बारबर्दिया नगरपालिका–१० लम्कीफाँटाबाट सोही ठाउँ बस्ने श्यामलाल थारु चित्तलको छाला र मासुसहित पक्राउ परेका हुन् ।
प्रहरीका अनुसार थारुको साथबाट चित्तलको छाला १ थान र १० किलो मासु फेला परेको छ ।
विशेष सूचनाको आधारमा ईलाका प्रहरी कार्यालय मोतीपुर र सशस्त्र प्रहरी बेस क्याम्प कतर्नियाबाट खटिएको संयुक्त प्रहरी टोलीले थारुलाई पक्राउ गरेको हो ।
थारुलाई आवश्यक कारबाहीको लागि बर्दिया राष्ट्रिय निकुञ्जमा बुझाइएको छ ।
प्रतिक्रिया