काठमाडौँ– नेपालस्थित महावाणिज्यदूत तथा वाणिज्यदूतको टोलीले आज परराष्ट्रमन्त्री एनपी साउदसँग शिष्टाचार भेटवार्ता गरेको छ ।

बुधबार परराष्ट्र मन्त्रालयमा अनररी कन्सुलर अफ नेपालका डिन दिनेश श्रेष्ठको नेतृत्वमा गएको महावाणिज्यदूत तथा वाणिज्यदूतको टोलीले मन्त्री साउदसँग भेटवार्ता गरेको हो ।

भेटवार्ताका अवसरमा मन्त्री साउदले नेपालस्थित महावाणिज्यदूत तथा वाणिज्यदूतहरुले खेलेको भूमिकाको प्रसंशा गरे ।

उनले जिम्मेवारीपूर्वक द्विपक्षीय सम्बन्धको विकास र विदेशी नागरिक समस्यामा पर्दा गर्ने कार्य सहजताका लागि दूतहरुबाट सहयोग हुने विश्वास व्यक्त गरे ।

सो अवसरमा दूतहरुको टोलीले मन्त्री साउदको सफल कार्यकालका लागि बधाई तथा शुभकामना व्यक्त गरेका थिए ।