बार्सिलोनाका नवप्रवेशी एन्टोनी ग्रिजम्यानले पूर्व क्लब एट्लेटिको मड्रिडले आक्रोशपूर्ण प्रतिक्रिया दिनु दु:खद् भएको बताएका छन् । आइतबारमात्रै बार्सिलोनाबाट आधिकारिक रुपमा सार्वजनिक भएका ग्रिजम्यानका लागि बार्सिलोनाले १ सय २० मिलियन युरो खर्च गर्दा उनी एट्लेटिकोबाट बाहिरिएका थिए ।

एट्लेटिको मड्रिडले बार्सिलोनालाई ग्रिजम्यानलाई क्लबमा नभित्र्याउने कुरा गरेको थियो । जसमा शुरुमा बार्सिलोनाले २ सय मिलियन युरोमा सहमती जनाइसकेको थियो । तर, एट्लेटिकोले त्यस्तो हुन दिएन ।

‘हामी सहमति नजिक पुगिसकेका थियौं, अन्तिममा आएर यो परिवर्तन भयो । जे भयो त्यसलाई स्वीकार्नु पर्छ,’ ग्रिजम्यानले भनेका छन् ।

बार्सिलोना र ग्रिजम्यानबीचको सम्झौताको अन्तिम तिर पुगिसक्दा एट्लेटिको मड्रिडले मुद्दा उठान गर्दै बार्सिलोनालाई भड्काएको उनको आरोप छ ।