काठमाडौँ– काठमाडौं महानगरपालिका ४ सुकेधारास्थित सडकमा प्रदेश ३-०१-०२४ च ७४६५ नम्बरको भ्यानको ठक्करबाट पैदलयात्री हाल वतन नखुलेकी ६८ वर्षीया फुलमाया नगरकोटीको मंगलबार बिहान मृत्यु भएको छ ।

भ्यानको ठक्करबाट गम्भीर घाइते भएकी उनको शिक्षण अस्पताल महाराजगंजमा उपचारको क्रममा मृत्यु भएको हो ।

भ्यान चालकलाई प्रहरीले नियन्त्रणमा लिएको छ ।

त्यसैगरी, मुखियापट्टी मुसहरनिया गाउँपालिका ३ वंसी पोखरीस्थित सडकमा ज.१ त ६६९२ नम्बरको ट्याक्टर अनियन्त्रित भई सडकबाट करिब २५ फिट तल खसेर गए राति दुर्घटना हुँदा ट्याक्टर चालक सोही ठाउँ बस्ने २० वर्षीय सितेश महतोको घटनास्थलमै मृत्यु भएको छ ।

यस सम्बन्धमा थप अनुसन्धान गरिरहेको प्रहरीले जनाएको छ ।