काठमाडौँ- पाकिस्तानमा अल्पसङ्ख्यक अहमदिया सम्प्रदायका मुसलमानको प्रार्थानास्थल तोडफोड भएको घटना सार्वजनिक भएको छ ।

पाकिस्तानको पञ्जाब प्रान्तस्थित सारगोधा जिल्लामा रहेको अहमदियाको प्रार्थानास्थलमा तोडफोड भएको पाकिस्तानबाट प्रकशित हुने द न्युजले उल्लेख गरेको छ । उक्त प्रार्थानास्थल ११८ वर्ष पुरानो रहेको बताइएको छ ।

नाम नबताउने सर्तमा प्रहरी अधिकारीले घटनाको पुष्टि गरेका छन् । घटनामा संलग्नलाई पक्राउ गरिएको प्रहरीले जनाएको छ । पाकिस्तानमा ४० लाख अहमदिया मुसलमानहरुको बसोबास छ ।

पाकिस्तानको संविधानले अहमदियाहरुलाई इस्लामिक चिह्न र पहिचानको प्रयोग गर्न दिँदैन । पछिल्ला केही वर्षयता अहमदियाहरु पाकिस्तानमा हिंसा र अपमानको सिकार हुँदै आएको भारतीय समाचार संस्था एएनआईले जनाएको छ ।