काठमाडौँ- भारतले द्वन्द्वग्रस्त यमनमा शान्ति, स्थिरता र सुरक्षा बहाली होस् भन्ने चाहना व्यक्त गरेको छ । नियमित पत्रकार सम्मेलनमा भारतको विदेश मन्त्रालयका प्रवक्ता अरिन्दम बागचीले आफ्नो मुलुकले यमनमा शान्ति स्थापना होस् भन्ने चाहेको बताए ।

केही दिनअघि यमनमा भएको भागदौडमा परी ८५ जनाको मृत्यु भएको थियो भने ३२२ जनाभन्दा धेरै घाइते भएका थिए । बागचीले घटनाप्रति दुःख व्यक्त गर्दै समवेदना प्रकट गरेका छन् ।

पत्रकार सम्मेलनमा उनले आफ्नो मुलुकले यमनमा शान्ति, स्थिरता र सुरक्षाको बहालीको अपेक्षा गरेको सञ्चारकर्मीलाई जानकारी दिए ।

सन् २०१४ यता यमनमा जारी गृहयुद्धका कारण त्यहाँ मानवीय संकट देखा परेको छ । युद्धका कारण लाखौँ यमनीको मृत्यु भएको छ भने अर दशौँ लाख विस्थापित भएका छन् ।