काठमाडौँ- स्वतन्त्र सांसद डा. अमरेशकुमार सिंहले स्टक एक्सचेञ्जको लाइसेन्स वितरणमा नीतिगत भ्रष्टाचार भएको आरोप लगाएका छन् ।
मंगलबार प्रतिनिधिसभाको बैठकमा सांसद सिंहले स्टक एक्सचेञ्ज र कमोडिटी मार्केटको लाइसेन्स वितरणमा सरकारले ठूलो भ्रष्टाचार गरेको आरोप लगाएका हुन् ।
लाइसेन्स वितरण गर्दा सरकारले बोलकबोल आह्वान गर्नुपर्ने भन्दै उनले नेपालभन्दा अर्थतन्त्र र जनसङ्ख्याका हिसाबमा कैयौँ गुणा ठूला छिमेकी चीन र भारतमा पनि दुई वटा मात्र स्टक एक्सचेञ्ज रहेको बताए ।
६० अर्ब पुँजी भएको अहिलेको स्टक एक्सचेञ्जलाई सिध्याउने खेल भएको सिंहको आरोप छ ।
प्रतिक्रिया