काठमाडौँ- नेपाली कांग्रेसका सभापति शेरबहादुर देउवाले पार्टी र नेताविरुद्ध सामाजिक सञ्जालमा संगठित आक्रमण भइरहेको टिप्पणी गरेका छन् ।
मंगलबार सिंहदरबारमा बसेको पार्टीको संसदीय दलको बैठकमा सभापति देउवाले पार्टी र नेताविरुद्ध सामाजिक सञ्जालमा थेग्नै नसक्ने गरी आक्रमण भइरहेको टिप्पणी गरेका हुन् ।
उनले पुराना दलविरुद्ध नयाँ दलहरु सामाजिक सञ्जालमा आक्रामक रुपमा प्रस्तुत भएको बताए । नयाँ दलहरुले पुराना दलहरुलाई मत दिनु हुँदैन भन्ने भाष्य निर्माण गरेको बताए । उनले पार्टीमा धेरै सुधार आवश्यक रहेको समेत बताए ।
प्रतिक्रिया