एट्लेटिकोलाई हराउँदा बार्सिलोनाको अग्रता कायमै

११ बैशाख २०८०, सोमबार

पढ्न लाग्ने समय : < 1 मिनेट

काठमाडौँ – स्पेनिस ला–लिगामा शीर्ष स्थानमा रहेको बार्सिलोनाले आफ्नो अग्रता कायमै राख्न सफल भएको छ ।

बार्सिलोनाले तेस्रो स्थानको एट्लेटिको म्याड्रिडलाई १–० ले पराजित गर्दै अग्रता कायमै राखेको हो ।

आइतबार बार्सिलोनाको घरेलु मैदान नउ क्याम्पमा भएको खेलमा बार्सिलोनाका फेरान टोरेसले खेलको ४४औँ मिनेटमा गरेको गोल नै निर्णायक बन्न पुग्यो ।

यससँगै बार्सिलोनाले ३० खेलबाट ७६ अंक जुटाउन सफल भएको छ भने एट्लेटिको म्याड्रिडको ६० अंकमा सिमित हुन पुगेको छ ।

प्रकाशित मिति : ११ बैशाख २०८०, सोमबार ८ : २८ बजे

प्रतिक्रिया