एजेन्सी- अन्तर्राष्ट्रिय क्रिकेट परिषद् (आईसीसी) ले टिम अफ दि टुर्नामेन्ट घोषणा गरेको छ । सोमबार आईसीसीले घोषणा गरेको टिम अफ दि टुर्नामेन्टमा न्युजिल्याण्डका कप्तान केन विलियम्सनले कप्तानीको भूमिका पाएका छन् ।

टिममा इंग्ल्याण्डका सर्वाधिक ४, न्युजिल्याण्ड, अष्ट्रेलिया र भारतका २-२ खेलाडी परेका छन् । टिममा बंगलादेशका एक खेलाडीमात्रै अटाएका छन् ।

टिममा कप्तान विलियम्सनसँगै जासन रोय, रोहित शर्मा, जोय रुट, शकिब अल हसन, बेन स्टोक्स, एलेक्स केरी (विकेटकिपर), मिचेल स्टार्क, जोफ्रा आर्चर, लक्की फर्गुसन, जस्प्रित बुम्राह रहेका छन् ।

टिमको १२ औं खेलाडीमा न्युजिल्याण्डका ट्रेण्ड बोल्ड छन् ।

आईसीसीले बनाएको पाँच सदसीय कमिटीले टिम घोषणा गरेको हो । कमिटीमा कमेन्टेटर इयान बिसप, इयान स्मिथ, इशा गुह, आईसीसीका प्रतिनिधि जियफ अल्लाडाइस र पत्रकार लरेन्स बुथ रहेका थिए ।