काठमाडौँ- सिन्जियाङ प्रान्तमा अल्पसङ्ख्यक उइगुर मुसलमानलाई रमजानको व्रत बस्न नदिनका लागि चीनले जासुस परिचालन गरेको खुलेको छ । रेडियो फ्रि एसियाले टुर्पान क्षेत्रका प्रहरी अधिकारीलाई उद्धृत गर्दै यस्तो खुलासा गरेको हो ।

रमजानको प्रारम्भीक दिनहरुमा व्रत बसेको अशंकामा ५६ जनालाई पक्राउ गरिएको र तीमध्ये ५४ जनाले व्रत बसेर कानून उल्लङ्घन गरेको पुष्टि भएको रेडियो फ्रि एसियाले जनाएको छ ।

चीनले सन् २०१७ यता सिन्जियाङ प्रान्तका उइगुर मुसलमानलाई रमजानको ब्रत बस्न प्रतिबन्ध लगाउँदै आएको बताइन्छ । रेडियो फ्रि एसियाले जनाएअनुसार चीनको सुरक्षा संयन्त्रले आम सर्वसाधारण, प्रहरी अधिकारी एवम् छिमेक समितिका सदस्यलाई जासुसको रुपमा परिचालन गर्ने गरेको छ ।

चीनमाथि सिन्जियाङका दशौँ हजार उइगुर मुसलमानलाई पुनर्शिक्षाका नाममा चीनले बन्दी शिविरमा राख्ने गरेको आरोप लाग्ने गरेको छ ।