काठमाडौँ- भारतका केन्द्रीय मन्त्री नितिन गड्करीले जम्मु कश्मीरमा जोजिला सुरुङमार्गको निर्माण सम्पन्न भए यस क्षेत्रमा पर्यटकको आगमनमा २/३ गुणासम्म वृद्धि हुने बताएका छन् ।

निर्माणाधीन सुरुङमार्गको निरीक्षण भ्रमणपछि मन्त्री गड्करीले यस परियोजनाको निर्माण सम्पन्न भए यस क्षेत्रमा पर्यटकको आगमनमा २/३ गुणासम्म वृद्धि हुने बताएका हुन् । उनले जम्मु कश्मीरमा लेफ्टिनेन्ट गभर्नर मनोज सिन्हासँगै परियोजना निर्माणस्थलको निरीक्षण भ्रमण गरेका थिए ।

यस परियोजनाको निर्माण सम्पन्न भएसँगै पर्यटकको आगमन बढ्ने र यसबाट रोजगारीको वातावरण सिर्जना हुने उनको भनाइ छ । यससँगै कन्याकुमारीसँग कश्मीर जोडिने उनको तर्क छ ।

गड्करीले २५ हजार करोड भारतीय रुपैयाँको लागतमा जम्मु कश्मीरमा १९ वटा सुरुङ निर्माण भइरहेको समेत जानकारी दिए ।