न्यूयोर्क– अमेरिकाको न्यूयोर्क शहरमा आप्रवासन प्रहरीले गैर कानूनी आप्रवासीलाई लक्षित गरी व्यापक धरपकड शुरु गरेको छ ।

न्यूयोर्क शहरका मेयर बिल डे ब्लासियोले अमेरिकाको आप्रवासन तथा भन्सार प्रहरी आइसले शहरका विभिन्न क्षेत्रमा व्यापक धरपकड गरिरहेको जनाएका हुन् ।

शहरमा आइतबारबाट यस्ता धरपकड शुरु हुने बताइएपनि मेयर ब्लासियोले शनिबार नै यस्तो धरपकड जारी रहेको जनाएका हुन् ।
आइसले न्यूयोर्क शहरको ब्रुकलिन क्षेत्रस्थित हर्लेम र सनसेट पार्क क्षेत्रमा व्यापक कारवाही गरेपनि अपेक्षित गैरकानूनी आप्रवासीलाई पक्राउ गर्न सफल भने नभएको मेयर ब्लासियोको भनाइ छ ।

अदालतले देश छाड्न आदेश दिएपनि अटेर गरी अमेरिकामा बसिरहेका गैर कानूनी आप्रवासीलाई लक्षित गरी आइसले मुलुकका विभिन्न १० शहरमा कारवाही चलाउने तयारी थालेको हो ।

स्यान्चुरी सिटी भनिने न्यूयोर्क लगायतका आप्रवासीलाई सहयोग गर्ने शहरहरुले आइससँग सहकार्य नगर्ने घोषणा गरिसकेका छन् ।