काठमाडौं– राष्ट्रिय प्रजातन्त्र पार्टीका सांसद ज्ञानेन्द्र शाहीले वैदेशिक ऋण लिएर प्रदेशलाई पाल्नुपर्ने अवस्था आएको भन्दै संघीयताको विरोध गरेका छन् ।

बिहीबार प्रतिनिधिसभाको शून्य समयमा बोल्दै उनले विदेशबाट लिएको ऋण कहाँ गयो भन्दै प्रश्न गरे । उनले अब विदेशको ऋण ल्याएर प्रदेश पाल्न नसकिने बताएका छन्  । 

पाँच वर्षमा प्रदेशका नाममा १५ खर्ब ९९ अर्ब ४६ करोड ५८ लाख रुपैयाँ खर्च भएको भन्दै उनले संघीयता कार्यकर्ता भर्ती गर्ने ठाउँ भएको बताए ।

उनले भने,‘संघीयता जम्मा दुईवटा कारणले चाहिन्छ । एउटा पहिचानको लागि चाहिन्छ । एउटा भनेको देश ठूलो भयो भने त्यो देशलाई केन्द्रीकरण गर्नका लागि चाहिन्छ । तर, आज यो देशमा संघीयता कार्यकर्ता भर्ति गर्ने कँही नअटाएका कार्यकर्तालाई सांसद बनाउने प्रवृत्ति भयो । यसरी देश र विदेशको ऋण ल्याएर प्रदेश पाल्न सकिँदैन,’ ।