काठमाडौँ– नेपाली कांग्रेसका महामन्त्री गगन थापाले प्रधानमन्त्री र मन्त्रीहरूलाई ३ महिनासम्म अनलाइन र टेलिभिजनमा अनुहार नभई काम गरेर देखाउन आग्रह गरेका छन्। बुधवार नेपाल वित्तिय संस्था कर्मचारी संघको राष्ट्रिय महाधिवेशन समुद्घाटन समारोहमा सम्बोधन गर्दै महामन्त्री थापाले यस्तो आग्रह गरेका हुन्।
महामन्त्री थापाले सरकार दौडिनुपर्ने अवस्था भएपनि तुना बाँध्नमै अलमल्लिएको टिप्पणी गरे। उनले सरकार अलमल्लिएको भन्दै दौडिन शुरु गर्नुपर्नेमा जोड दिए।
उनले आगामी ५-६ महिनामा सरकारले नागरिकहरूलाई सरकारले काम गर्न शुरु गर्यो र लक्ष्यमा पुग्छ भन्ने भरोसा दिलाउन सक्नुपर्ने बताए।
प्रतिक्रिया