एजेन्सी– इरानमा भएको आत्मघाती बम आक्रमणमा २० जनाको ज्यान गएको छ । इरानको दक्षिणपूर्वी शहरहरु जाहेदान र खाह शहरको बीचमा पर्ने सडकमा इरानको रिपब्लिकन गार्ड चढेको सवारीलाई लक्षित गरी आत्मघाती बम आक्रमण भएको इरानका फार्स समाचार संस्थाले जनाएको छ । आक्रमणमा मारिनेमा सबै रिपब्लिकन गार्डका सैनिक छन् ।
आक्रमणमा अरु १० जना रिपब्लिकन गार्डका सैनिक पनि घाइते भएको इरानी अधिकारीले जनाएका छन् । आक्रमणमा कुन समूहको हात छ भन्ने स्पष्ट नभइसकेपनि त्यस क्षेत्रमा सुन्नी अतिवादी लडाकुहरु सक्रिय रहेको बताइन्छ ।
शिया बहुल इरानमा सुन्नी अतिवादीहरुले बेलाबेला सैनिक तथा गैरसैनिक निशालाई लक्षित गरी आक्रमण गर्दै आएका छन् ।
प्रतिक्रिया