काठमाडौँ- पहिचानका आधारमा प्रदेशको नाम राख्नुपर्ने माग राख्दै जारी आन्दोलन चर्किँदै गएसँगै उपेन्द्र यादव नेतृत्वको जनता समाजवादी पार्टी नेपालले कोशी प्रदेशको नाम परिवर्तन हुनुपर्ने जनाएको छ ।

अध्यक्ष यादवले जारी गरेको आन्तरिक सर्कुलरमा तत्कालका लागि उक्त प्रदेशको नाम प्रदेश नं १ नै कायम हुनुपर्ने र प्रदेशसभाले पहिचान अनुसारको नाम परिवर्तन गरेमा मात्र उक्त परिवर्तित नयाँ नामाकरणलाई समर्थन गरिने उल्लेख छ ।

प्रदेश नं १ मा उठाएको पहिचानको आधारमा प्रदेशको नामकरण हुनुपर्दछ भन्ने आन्दोलनको मागलाई यथोचित रुपमा सम्बोधन गर्न गराउन सरकारसँग माग गरिएको पनि सो परिपत्रमा उल्लेख गरिएको छ ।

प्रदेशको नाम कोशी राखिएपछि पछिल्ला केही दिनयता विराटनगरलगायत क्षेत्रमा नियमित प्रदर्शन भइरहेका छन् ।