काठमाडौं । इन्डियन प्रिमियर लिग आईपीएल क्रिकेटमा शनिबारको पहिलो खेल वर्षाले प्रभावित हुँदा कोलकता नाइट राइडर्स पञ्जाव किंग्ससँग डिएलएसमा ७ रनले पराजित भएको छ ।

पञ्जाब्ले दिएको १९२ रनको लक्ष्य पछाएको कोलकोताले १६ ओभरमा ७ विकेट गुमाउदै १४६ रन बनाएपछि खेल बर्षाले रोकिएको थियो । त्यसपछि खेल हुन नसकेपछि डिएल मेथडअनुसार पञ्जाब ७ रनले विजयी भएको थियो ।

कोलकोताका लागि आन्द्रे रसेलले ३५, वेंकटेश अय्यरले ३४, कप्तान नीतिश राणाले २४ र रहमनुल्लाह गुर्बाजले २२ रन बनाएका थिए । त्यस्तै, पञ्जाबका बलर अर्शदीप सिंहले ३ विकेट लिए भने साम कुरान, नाथन इलिस, सिकन्दर राजा र राहुल चाहरले एक–एक विकेट लिएका थिए ।

त्यसअघि पञ्जावका लागि भानुका राजापाक्षले ३२ बलमा ५ चौका र २ छक्का मद्तमा सर्वाधिक ५० रन बनाए । कप्तान शिखर धवनले २९ बलमा ४० रन बनाए । यो जोडीले दोस्रो विकेटका लागि ८६ रनको साझेदारी गरे । यस्तै अर्का ओपनर प्रबसिमरन सिंहले २३, जितेश शर्मनले २१ र सिकन्दर राजाले १६ रन जोडे ।

कोलकताका टिम साउदीले २ तथा उमेश यादव, सुनिल नारिन र वरुन चक्रवर्तीले समान १ विकेट लिए ।