काठमाडौँ- भारतका पूर्वोत्तर विकासमन्त्री जी किसन रेड्डीले सो क्षेत्रमा १७ वटा विमानस्थल सञ्चालनमा आएको जानकारी दिएका छन् । भारतको तल्लो सदन लोकसभामा सम्बोधन गर्दै मन्त्री रेड्डीले पूर्वोत्तर क्षेत्रमा १७ वटा विमानस्थल सञ्चालनमा आएको जानकारी दिएका हुन् ।

अरुणाचल प्रदेशको तेजु, आसामका डिबरुगढ, गुवाहाटी, सिल्चार, मणिपुरको इम्फाल, मेघालयको बारापानी, त्रिपुराको अगरतालामा नयाँ विमानस्थल निर्माणको काम अघि बढिरहेको समेत उनले जानकारी दिए ।

उनले यसबाहेक पूर्वोत्तर क्षेत्रमा १ खर्ब ९८ अर्ब ५५ करोड भारतीय रुपैयाँको लागतमा रेलमार्गको विकास पनि भइरहेको जानकारी दिए । सन् २०१४–१५ यता पूर्वोत्तर क्षेत्रमा झण्डै ८६५ किलोमिटर लम्बाईको रेलमार्ग निर्माण भएको उनको भनाइ छ ।