काठमाडौं – नेपाली राष्ट्रिय महिला फुटबल टोलीको फिफा वरियतामा २ स्थान सुधार भएको छ ।

विश्व फुटबलको सर्वोच्च निकाय फिफाले सार्बजनिक गरेको पछिल्लो बरियतामा नेपाल २ स्थान सुधार गर्दै १ सय १ स्थानमा उक्लिएको हो । अघिल्लो बरियतामा नेपाल १ सय ३ औ स्थानमा थियो ।

दक्षिण एसियामा पहिलो रहेको भारत ५७ औं स्थानमा रहँदा दोस्रो स्थानको नेपालपछि बंगलादेश १ सय ३० औं, श्रीलंका १ सय ३६ औं, माल्दिभ्स १ सय ३९ औं र भुटान १ सय ५४ औं स्थानमा छन् ।

विश्व वरियतामा अमेरिका शीर्ष स्थानमा यथावतै छ भने जर्मनी दोस्रो र नेदरल्याण्ड तेस्रो स्थानमा छ । नेपाली महिला टोलीले पछिल्लो प्रतियोगिता म्यानमारमा भएको ओलम्पिक छनोट खेलेको थियो । जसमा नेपाली टोलीले २ खेलमा हार र एक खेलमा जीतसहित स्वदेश फर्किएको थियो ।