काठमाडौं – अमेरिका, बेलायत र अष्ट्रेलियाले संयुक्त परमाणु पनडुब्बी बनाउने योजना अघि सारेका छन् । यो योजना सार्वजनिक भएलगत्तै चीनले यसलाई गलत बाटो भनेको छ ।
एसिया प्रशान्त क्षेत्रमा चीनको प्रभावलाई सीमित गर्नको लागि तीन देशले यो योजना ल्याएको बीबीसीको खबरमा उल्लेख छ ।
तीन देशको सहमति अनुसार अष्ट्रेलियालाई कम्तिमा पनि तीन वटा परमाणु संचालित पनडुब्बी अमेरिकाले दिनेछ । यो अष्ट्रेलियाको पहिलो परमाणु पनडुब्बी हुनेछ ।
चीनले भने यो सम्झौताको कडा विरोध गरेको छ । तीन देश बीचको सहमति गलत बाटोमा जाने तयारी भएको चीनको टिप्पणी छ । चीनले तीन देश खतरनाक बाटोमा गएको आरोपसमेत लगाएको समाचारमा उल्लेख गरिएको छ ।
प्रतिक्रिया