मुम्बई – बलिउड अभिनेत्री सोनाक्षी सिन्हाले २४ लाख रुपैयाँ लिएर पनि कार्यक्रममा नजाँदा फसेकी छिन् । युपी प्रहरीमा यही विषयलाई लिएर उजुरी परेको छ ।

सोनाक्षीविरुद्ध युपीको कटघर प्रहरी स्टेशनमा उजुरी दर्ता गरिएको छ । बिहीबार मुम्बई प्रहरी सोनाक्षीको जुहुस्थित रामायण बंगला पुगे । तर सोनाक्षी त्यहाँ थिइनन् ।

सोनाक्षीले सन् २०१८ मा स्टेज कार्यक्रमका लागि २४ लाख भारतीय रुपैयाँ लिएकी थिइन् । प्रहरीका अनुसार प्रमोद शर्मा नामक व्यक्तिले २४ नोभेम्बरमा उजुरी दिएका थिए ।

उजुरीकर्ताले ३० नोभेम्बरमा दिल्लीमा आयोजना गरिएको फेसन एण्ड ब्युटी अवार्ड कार्यक्रममा सामेल हुनका लागि २४ लाख दिइएको तर उनी नआएको आरोप लगाएका छन् ।