काठमाडौं– प्रमुख प्रतिपक्षी दल नेपाली कांग्रेसको भ्रातृसंगठन नेपाल विद्यार्थी संघले विषादी परीक्षणको निर्णय सरकारले फिर्ता लिएको विरोधमा विहीबार मसाल जुलुस प्रदर्शन गरेको छ ।

सरकारको सो निर्णय तत्काल फिर्ता लिन माग राख्दै नेबिसंघले विहीबार काठमाडौंको बालाजु क्षेत्रमा मसाल जुलुश प्रदर्शन गरेको हो । प्रदर्शनका क्रममा प्रहरीले १४ जनालाई नियन्त्रणमा लिएको छ ।

पक्राउ परेका उनीहरुलाई बालाजु प्रहरी वृत्तमा लगिएको छ ।  नेबिसंघ नेता सुशील भट्टको नेतृत्वमा विद्यार्थीहरु मसाल जुलस प्रदर्शनमा उत्रिएका थिए ।

भारतबाट आयात गरिने तरकारी तथा फलफूलमा विषादी जाँच गर्न माग राख्दै नेबिसंघले चरणवद्ध आन्दोलन जारी राखेको छ । निर्णय तत्काल खारेज गर्न माग राख्दै नेविसंघले गत मंगलबार प्रमुख जिल्ला प्रशासन कार्यालय काठमाडौंमार्फत् प्रधानमन्त्री केपी शर्मा ओलीलाई ज्ञापन पत्र समेत बुझाएको थियो ।