बुटवल– कृषिलाई प्रविधिसँग र किसानलाई बजारसँग जोडेर समृद्धि हासिल गर्ने उद्देश्यसहित बुटवलमा आयोजित प्रादेशिकस्तरीय कृषि महोत्सव सम्पन्न भएको छ ।

प्रदेश सरकार, कृषि, भूमि व्यवस्था तथा सहकारी मन्त्रालय र बुटवल उद्योग बाणिज्य संघको संयुक्त आयोजनामा सम्पन्न सो महोत्सव ५० हजारले अवलोकन गरेका छन् ।

कृषिजन्य उत्पादन, प्रबिधि र बजारीकरणका बारेमा आम मानिसलाई जानकारी गराई कूल ग्राहस्थ उत्पादनमा अभिबृद्धि गर्ने उद्देश्यसमेत लिएको सो महोत्सवमा ८६ वटा स्टलहरु रहेका थिए ।

उपभोक्ता, किसान र ब्यापारीलाई एकै थलोमा भेला गराई कृषिको आधुनिकीकरण र व्यवसायीकरण गराई बजार प्रबद्र्धनमा समेत सघाउ पुराउने लक्षसहित संचालित सो महोत्सवमा सहभागीहरुले कृषिजन्य वस्तुको आयात घटाउने कार्यक्रम संचालन गर्नुपर्ने कुरामा जोड दिएका थिए ।