काठमाडौँ- आगामी महिना भारतले दक्षिण अफ्रिकाबाट १२ वटा चितुवा ल्याउने भएको छ । भारतीय सञ्चार माध्यमका अनुसार दक्षिण अफ्रिकाबाट ल्याइने चितुवा मध्य प्रदेशको कुनो राष्ट्रिय वन्यजन्तु निकुञ्जमा राखिने छ ।

उक्त निकुञ्जमा हाल अर्को दक्षिण अफ्रिकी मुलुक नामिबियाबाट ल्याइएका आठ वटा चितुवा राखिएका छन् ।

चितुवा पुनःस्थापना गर्ने परियोजना कार्यान्वयन गर्न भारतले दक्षिण अफ्रिकासँग आगामी आठदेखि १० वर्षमा एक सय वटा चितुवा ल्याउने सहमति गरेको छ ।

दक्षिण अफ्रिकाको वातावरण मन्त्रालयले चितुवा पुनःस्थापना भारतको प्राथमिकतामा परेको र सोही अनुसार भारतलाई चितुवा प्रदान गर्न लागिएको जनाएको छ ।

सहमतिअनुसार दक्षिण अफ्रिकाले आगामी आठदेखि १० वर्षसम्म हरेक वर्ष १२ वटा चितुवा भारत पठाउने छ ।