काठमाडौं – एसीसी यु–१९ इस्टर्न रिजन क्रिकेट प्रतियोगिताको तेस्रो खेलमा घरेलु टोली मलेसियाले नेपाललाई ८८ रनको झिनो लक्ष्य दिएको छ ।

मलेसियाको किन्नरा ओभलमा भइरहेको खेलमा मलेसियाले ४०.५ ओभर खेलेर सबै विकेट गुमाउँदै ८७ रन मात्रै बनाएपछि नेपालले ८८ रनको लक्ष्य पाएको हो ।

मलेसियाविरुद्ध सागर ढकाल र कुसल मल्लले कसिलो बलिङ गरे । यता, टस हारेर पहिलो ब्याटिङ गरेको मलेसियालेका लागि भने कुनै पनि खेलाडीले २५ रन बनाउन सकेनन् । मलेसियाका लागि मोहम्मद अमिरले २४ रन बनाउँदा अन्य ब्याट्सम्यानले २० रन पनि जोड्न सकेनन् ।

मलेसियाविरुद्ध टस जितेर फिल्डिङ रोजेको नेपालका लागि सागरले तीन र मल्लले दुई विकेट लिँदा राशिद खान, तिलक भण्डारी र कमलसिंह ऐरीले समान एक–एक विकेट लिए ।