काठमाडौं – विश्व चर्चित अर्जेन्टिनी राष्ट्रिय फुटबल टोलीका कप्तान लियोनल मेस्सीले आफ्नो करियरको दोस्रो रातो कार्ड पाएका छन् ।

कोपा अमेरिका अन्तर्गत तेस्रो स्थानका लागि भएको खेलमा मेस्सीले रातो कार्ड पाए । यो उनको करिअरको दोस्रो रातो कार्ड हो । तेस्रो स्थानका लागि भएको खेलमा अर्जेन्टिनाले चिलीलाई २–० गोल अन्तरले पराजित गरेको थियो ।

चिलीसँगको खेलमा मेस्सीले खेलको ३७ औं मिनेटमा रातो कार्ड पाएपछि उनको करियरमा दोस्रो रातो कार्ड बनेको हो । उनले यसअघि पहिलो रातो कार्ड अर्जेन्टिनबाट डेब्यु गरेकै खेलमा पाएका थिए ।

सन् २००५ मा मार्च महिनामा भएको हंगेरीविरुद्धको खेलमा पाएका थिए ।

चिली विरुद्धको खेलमा ग्यारी मेडलसँगको झगडापछि पहिलो हाफमा नै रातो कार्ड पाएका मेस्सी खेल सकिएपछि पदक लगाउन मैदानमा गएनन् ।

उनले यो संस्करणको कोपा अमेरिका ब्राजिललाई जिताउने प्रपञ्च भएको समेत बताएका छन् । ‘ब्राजिललाई जिताउने खेल भइरहेको छ, कुनै शंका छैन,’ मेस्सीले भने ‘म यो भ्रष्टाचारको भागिदार हुन चाहन्न । म सँधै साँचो बोल्छु, इमान्दार छु, त्यसैका कारण म शान्त पनि छु ।’