काठमाडौं– अभिरल वर्षापछि भोटेकोसी नदीमा आएको बाढीले बगाउँदा २ जना बेपत्ता भएका छन् । सिन्धुपाल्चोकको भोटेकोशी गाउँपालिकाको वडा नम्बर ४ र ५ को बीचमा रहेको शीवश्री हाइड्रो पावरमा कार्यरत २ जना कर्मचारी बाढीले बगाएर बेपत्ता भएका हुन् ।

बेपत्ता हुनेमा शिवश्री हाइड्रोका साइट इञ्चार्ज यादव प्रसाद काफ्ले र इलेक्ट्रिसियन रामअवतार चौधरी रहेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक (डिएसपी) माधव प्रसाद काफ्लेले खबरहबलाई जानकारी दिए ।

काफ्लेका अनुसार शनिबार राति आएको बाढीले बगाएका २ जनाको भने उद्दार गरेर हेलिकोप्टरमार्फत उपचारका लागि काठमाडौं पठाइएको छ । उद्दार गरी काठमाडौं पठाइनेमा कामी तामाङ र पेम्बा थोक्याल छन् । उनीहरुको ललितपुरको बिएण्डबी अस्पतालमा उपचार भइरहेको जनाइएको छ ।