काठमाडौँ- पाकिस्तानमा जीवनदायी औषधिको अभाव देखिएको छ । पाकिस्तानको कराँचीमा रहेका औषधि पसलहरुमा मधुमेहका रोगीका लागि अत्यावश्यक इन्सुलिनलगायतका जीवनदायी औषधिको अभाव रहेको पाकिस्तानबाट प्रकाशित हुने डेली एक्सप्रेस अखबारले उल्लेख गरेको छ ।

पाकिस्तानमा विदेशबाट आयात गरिने औषधिको चरम अभाव रहेको बताइएको छ । यसबाहेक स्वदेशमै औषधि उत्पादन गर्ने कम्पनीहरुले पनि मूल्य बढाउनका लागि उत्पादन बन्द गर्ने गरेका छन् ।

कृत्रिम अभावका कारण औषधिको मूल्य पनि आकासिएको छ । अहिले पाकिस्तानमा सञ्चालित विदेशी कम्पनीहरु पनि लगानीअनुसार प्रतिफल नआएका कारण पलायन हुने अवस्था आएको डेली एक्सप्रेसले उल्लेख गरेको छ ।

यसबाहेक स्वदेशमै रहेका कम्पनीहरु पनि कालोबजारीमा संलग्न रहेको बताइएको छ ।