मुम्बई – मलाइका अरोरा र अर्जुन कपूर आजभोलि प्रेममा छन् । यी दुईको जोडी विदा मनाउन न्यूयोर्क पुगेको छ। मलाइकाले अर्जुनलाई लिएर एक कुराको खुलासा गरेकी छिन् ।

एक अन्तर्वार्तामा मलाइकालाई सोधिएको थियो, अर्जुन कपूरको कुन कुराले तपाईं आकर्षणमा पर्नुहुन्छ ?

मलाइकाले भनिन्, ‘जसले तपाईंलाई बुझ्छ, उसका बारेमा यो कुरा थाहा पाउन निकै गाह्रो हुन्छ । अर्जुनले मलाई निकै राम्रोसँग बुझ्छ । उसले मलाई हँसाउँछ, पूर्ण रुपमा मलाई बुझेको छ । यही कुरा धेरै मन पर्छ ।’

केही दिन पहिले अर्जुनको जन्मदिनमा मलाइकाले फोटो शेयर गर्दै उनले लेखेकी थिइन्, ‘ह्याप्पी बर्थडे मेरो क्रेजी, फनी र अमेजिङ अर्जुन कपूर ।’

उनले सामाजिक सञ्जालका माध्यमबाट पनि अर्जुनप्रति आफ्नो प्रेम दर्शाएकी हुन्छिन् । बलिउडमा पछिल्लो समय यो जोडी चर्चामा आइरहने जोडीका रुपमा परिचित छ ।