धनगढी– गेटा आँखा अस्पतालले कैलालीको लम्कीमा आयोजना गरेको आँखा शिविरबाट १५४ जनाको ज्योति फर्काएको छ । नेपाल नेत्रज्योति संघ, गेटा आँखा अस्पताल र नेपाल बालबालिका सहायता कार्यक्रमको आयोजनामा दुई दिने आँखा शिविर सञ्चालन गरिएको हो । शिविरमा १ हजार १२९ जना आँखाका बिरामीले सेवा लिएका थिए ।

१ हजार १२९ जनाको आँखाको जाँच गरिएकोमा १५४ जनाको आँखाको शल्यक्रिया गरिएको अस्पतालका बाह्य कार्यक्रम व्यवस्थापक रमेश चन्द्र भट्टले बताए । १५३ जनाको आँखामा मोतियाबिन्दु र एकजनाको ट्रकोमाको शल्यक्रिया गरिएको हो ।

कैलालीको लम्कीचुहा नगरपालिका वा नम्बर ३ बलचौरमा सञ्चालित चालित आँखा शिविरमा ४६७ जना आँखाका बिरामीलाई निःशुल्क चश्मा उपलब्ध गराइएको छ भने ५०८ जना आँखाका रोगीको निःशुल्क औषधि उपचार गरिएको छ ।