काठमाडौँ– अफगानिस्तानको स्पिन बोल्दाक नाकामा पाकिस्तानले कडाई गरेको छ । पाकिस्तान र अफगानिस्तानमा शासन चलाइरहेको तालिबानबीचको सम्बन्ध बिग्रेको विश्लेषण भइरहेका बेला स्पिन बोल्दाक क्षेत्रमा सवारी साधनको आवागमनमा समस्या आएको बताइएको छ ।

सवारीका साधनसँगै नाकामा हजारौँ सर्वसाधारण पनि फसिरहेको जनाइएको छ । अफगानिस्तान छाडेर जान चाहने हजारौँ मानिसहरुलाई पाकिस्तानी फौजले प्रवेशमा बन्देज लगाएको छ ।

अफगानिस्तानको टोलो न्युजले जनाएअनुसार सीमा क्षेत्रमा अफगान पक्षबाट भएको गोली प्रहारमा पाकिस्तानी सैनिक मारिएपछि नाकामा कडाई गरिएको हो । तालिबानले भने अज्ञात बन्दुकधारीले गोली प्रहार गरेको दाबी गरेको छ ।

टोलो न्युजका अनुसार अफगानिस्तान पाकिस्तान संयुक्त चेम्बर अफ कमर्सले दुबै मुलुकका सरकारलाई नाका खोलिदिन आग्रह गरेको छ ।