काठमाडौँ – धरान उपमहानगरपालिकाका मेयर हर्क साम्पाङले काठमाडौँ महानगरका मेयर बालेन साहसँग आफ्नो कुनै विवाद नभएको बताएका छन् । आइतबार सामाजिक सञ्जाल मार्फत मेयर साम्पाङले आफूहरु कहिल्यै नबाझेको बताएका हुन् । साथै उनले बालेनसँग भेट हुँदा छम्छमी नाचेर देखाउने बताएका छन् ।

‘हर्क साम्पाङ र बालेन मिलेको हेर्न चाहने धेरै रैछन ! हामी बाझेको नै कहिले थियौँ र ! अब हाम्रो भेट हुँदा छम्छमी नाचेरै देखाउनु पर्ला !’ उनले सामाजिक सञ्जालमा लेखेका छन् ।

केही समय पहिले मेयर साम्पाङ र बालेनबीच सामाजिक सञ्जालमा विवाद देखिएको थियो । काठमाडौँको फोहोरको विषयमा सिर्जना भएको उक्त विवादको सन्दर्भमा समर्थकहरुले प्रश्न उठाएपछि साम्पाङको यस्तो स्टाटस आएको हो ।