सल्यान – एक मात्र निर्वाचन क्षेत्र रहेको सल्यानमा प्रदेशसभा सदस्यमा सत्ता गठबन्धनका साझा उम्मेदवार विजयी भएका छन्।

१ मा नेकपा (माओवादी केन्द्र)का भीमप्रकाश शर्माले २२ हजार दुई सय ४३ मत ल्याएर विजय भए । उनले आठ हजार १८ को मतान्तरले जितेका हुन्। शर्माका प्रतिस्पर्धी नेकपा (एमाले)का कुलबहादुर गिरीले १४ हजार दुई सय २५ मत प्राप्त गरेको मुख्य निर्वाचन अधिकृतको कार्यालय सल्यानले जानकारी दिएको छ ।

त्यस्तै, प्रदेश २ मा नेपाली कांग्रेसका सुरेश अधिकारीले २० हजार चार सय आठ मत ल्याएर विजयी भए । उनले आफ्ना निकटतम प्रतिद्वन्द्वी एमालेका गुलाबजङ्ग शाहलाई तीन हजार सात सय ९० मतको फरक पार्दै जित हासिल गरे । शाहले १६ हजार छ सय १८ मत प्राप्त गरेको मुख्य निर्वाचन अधिकृतको कार्यालयले जनाएको छ ।

मुख्य निर्वाचन अधिकृतको कार्यालयका अनुसार सल्यान प्रदेश १ मा ४१ हजार एक सय ७६ मत खसेकोमा ३८ हजार आठ सय २८ र प्रदेश २ मा ४१ हजार नौ सय ६७ मत खसेकोमा ४० हजार ६९ मत मत सदर भएको थियो ।