मुम्बई – फिल्म ‘दबंग ३’ मार्फत सलमान खानलाई फेरि एकपटक चुलबुल पाण्डेका रुपमा देख्न सकिनेछ । यो फिल्म सलमानको खानका प्रतीक्षित फिल्ममध्ये एक हो ।

फिल्ममा सलमान खानको भूत कालको समयलाई पनि देखाइनेछ । जसमा उनलाई फरक लूकमा देख्न सकिनेछ । भारतीय मिडियाका अनुसार उक्त लूकमा आफूलाई ढाल्नका लागि सलमान खानले निकै मेहनत गरेका छन् ।

सलमानले चुलबुल पाण्डेको भूमिकाको एक हिस्सा फिल्ममा फरक तरिकाले देखिनेछ । सोही लूकमा फिट हुन सलमान खानले ७ किलो तौल घटाएका छन् । जसका लागि उनले निकै मेहनत गरी पसिना निकालिरहेका छन् ।

सलमानले हालै एक तस्वीर पनि शेयर गरे । उक्त तस्वीरमा सलमान खान फिट बडीमा देखिएका छन् । ‘दबंग ३’ यसै वर्षको डिसेम्बरसम्म हलमा रिलिज हुनेछ । फिल्ममा सोनाक्षी सिन्हाको पनि अभिनय रहनेछ ।