काठमाडौँ – आज १४ नोभेम्बर। प्रस्तुत छ आज दिन इतिहासमा भएका केही महत्त्वपूर्ण विश्व घटना :

मरिन ९ यान अन्तरिक्षमा 
सन् १९७१ को नोभेम्बर १४ अर्थात् आजकै दिन नासाको मरिनर ९ नामक अन्तरिक्ष यान अन्तरिक्षमा पुगेको १६७ दिनपछि मंगल ग्रहको कक्षमा प्रवेश गरेको थियो। मंगल ग्रहको कक्षभित्र अनुसन्धान गरी त्यहाँका तस्बिर पृथ्वीमा पठाउने उद्देश्यले सो यान अन्तरिक्षमा पुगेको थियो। तर, ग्रहमा अत्यधिक धुलोका कारण उक्त यानले केही साता मंगल ग्रहको तस्बिरहरू लिन असफल भएको थियो।

एपोलोको चन्द्र मिसन
सन् १९६९ मा नासाको मानवसहितको यान एपोलो–१२ को चन्द्र मिसन सुरु गरेको थियो। उक्त यान १९ नोभेम्बरमा चन्द्रमामा अवतरण गरेको थियो।

चाल्र्सको जन्म
सन् १९४८ मा बेलायतका नयाँ राजा चाल्र्सको जन्म भएको थियो। एलिजाबेथ द्वितीय र राजकुमार फिलिपको जेस्ठ सन्तानको रुपमा जन्मिएका चाल्र्स यसै वर्ष महारानीको निधनपछि बेलायतमा राजा घोषित भएका छन्।

पहिलो जी २० सम्मेलन
सन् २००८ मा अमेरिकाको वासिंगटन डिसीमा पहिलो जी २० आर्थिक सम्मेलन आयोजना भएको थियो।