मुम्बई – बक्स अफिसमा फिल्म ‘कबीर सिंह’ को कमाइले ओरालो लाग्ने छाँट ल्याएको छैन । यो फिल्म दोस्रो हप्तामा पनि गज्जबका साथ चलिरहेको छ । खासगरी फिल्ममा शाहिद कपूरको अभिनयलाई धेरैले मन पराएका छन् ।

दोस्रो हप्तामा फिल्मले शुक्रवार १२ करोड २१ लाख, शनिवार १७ करोड १० लाख र आइतवार १७ करोड ८४ लाख कमाइ गरेको छ । यो फिल्मले पहिलो हप्ता मात्र १३४ करोड भारु कलेक्सन गरेको थियो ।

फिल्मले १० दिनमा १८१ करोड ५७ लाख भारु कमाइ गरेको छ । अब फिल्मले सहजै २ सय करोड कमाउने अनुमान गरिएको छ ।

फिल्ममा शाहिद कपूरले एक प्रेमीको भूमिका निभाएका छन् । कबीर सिंह तेलुगु फिल्म ‘अर्जुन रेड्डी’ को आधिकारिक रिमेक भर्सन हो । यो फिल्म शाहिद कपूरका फिल्ममध्ये १ सय करोड कमाउने पहिलो फिल्म बनेको छ ।