अभिनेत्री क्याटरनी कैफ उत्कृष्ट अभिनेत्रीको सूचीमा आउँछिन् बलिउडमा । बलिउडमा आफ्नो राम्रो छाप बनाएकी क्याटरीनाले हालै आएर हलिउडमा पनि अभिनय गर्न चाहेको बताएकी छिन् ।

खबरका अनुसार क्याटरीनाले एक फिल्मको स्किृप्ट पढिसकेपछि हलिउड फिल्ममा काम गर्ने फैसला गरेकी हुन् । भारतीय मिडियाले स्रोतको हवाला दिँदै क्याटरीनालाई सो फिल्मको स्किृप्ट एकदमै मन परेको लेखेका छन् ।

केही दिनपहिले खबर आएको थियो, क्याटरीनाले आफ्नो अमेरिका ट्रिपका बेला फक्स स्टुडियोका मालिकसँग पनि भेटेकी थिइन् । खबरका अनुसार उनले उनले ‘एभेन्जर्स’ स्टार जर्मी रेनरसँग फिल्ममा काम गर्न सक्नेछिन् ।

क्याटरीना पछिल्लो समय फिल्म ‘भारत’ मा सलमान खानका साथ देखिएकी थिइन् । यो फिल्मले दर्शकको मिश्रित प्रतिक्रिया पाएको थियो ।

अब उनलाई रोहित सेट्टीको निर्देशनमा निर्माण भइरहेको फिल्म ‘सूर्यवंशी’ मा अक्षय कुमारका साथ देख्न सकिनेछ ।