विराटनगर – प्रदेश नं १ का वन, वातावरण तथा भूसंरक्षण मन्त्री शेखरचन्द्र थापाको निधन भएको छ।
डेंगु संक्रमण भएर उपचाररत ५६ वर्षीय थापाको आज बिहान विराटनगरस्थित नोबेल अस्पतालमा निधन भएको हो ।
मंगलबार मात्रै नोबेल अस्पतालमा भर्ना गरिएका मन्त्री थापाको आज बिहान साढे १० बजे निधन भएको अस्पतालका निर्देशक नारायण दाहालले बताए ।
थापाको यसअघि काठमाडौँको ह्याम्स लगायतका अस्पतालमा उपचार गरिएको थियो। आगामी ४ मंसिरमा हुन लागेको प्रदेश सभा निर्वाचनमा मोरङ क्षेत्र नम्बर ३ (क) मा कांग्रेसबाट प्रदेशसभा उम्मेदवार रहेका थापा उम्मेदवारी दर्ताको भोलिपल्ट असोज २४ गते काठमाडौँको ह्याम्स अस्पताल भर्ना भएका थिए।
प्रतिक्रिया