काठमाडौँ – टोटनहममाथि २-१ को जितसहित लिभरपुलले इङलिस प्रिमियर लिगको शीर्ष चारको आठौं स्थानमा उक्लिएको छ।
जारी सिजन लिगमा खराब प्रदर्शन गरेको लिभरपुल आइतबार भने उत्कृष्ट लयमा देखियो।
११औं मिनेटमा मोहम्मद सलाहको गोलमा लिभरपुलले अग्रता लिएको थियो। ४०औं मिनेटमा सलाहले लिभरपुलको अग्रता दोब्बर पारेका थिए।
७०औं मिनेटमा कप्तान ह्यारी केनको गोलमा टोटनहमले खेलमा फर्कने संकेत गरे पनि त्यो पर्याप्त भएन।
लिभरपुल १३ खेलमा १९ अंकसहित आठौं स्थानमा छ। जुन चौथो स्थानको टोटनहमभन्दा ७ अंक कम हो।
आइतबार नै सम्पन्न प्रिमियर लिगको अर्को खेलमा एस्टन भिल्लाले म्यानचेस्टर युनाइटेडमाथि ३-१ को सहज जित निकालेको छ।
प्रतिक्रिया