काठमाडौं – इंग्लिस प्रिमियर लिग फुटबलमा चेल्सी ब्राइटनसँग पराजित भएको छ । शनिबार राति भएको खेलमा चेल्सी ब्राइटनसँग ४ –१ गोल अन्तरले पराजित भएका हो । ब्राइटनका लागि लिन्द्रो ट्रोसार्ड, पास्कल ग्रोबले गोल गरे । भने दुई गोल चेल्सीले आत्मघाती गरेको थियो ।

खेलको पाँचौं मिनेटमा लिन्द्रो ट्रोसार्डले गोल गर्दै ब्राइटनलाई सुरुआती अग्रता दिलाएका थिए ।खेलको १४ औं मिनेटमा चेल्सीका रुबेन लोफ्ट्स चिकले आत्मघाती गोल गर्दा ब्राइटनले २–० को अग्रता बनायो ।

खेलको ४२ औं मिनेटमा ट्रेभो चालोबहले आत्मघाती गोल गरेपछि ब्राइटनको अग्रता ३ –० को बन्यो ।खेलको ४८ औं मिनेटमा काइ हार्भट्जले गोल गर्दै चेल्सीलाई ३– १ को स्थितिमा ल्याए । त्यसपछि खेलको इन्जुरी समयमा पास्कल ग्रोबले गोल गर्दै ब्राइटनलाई ४–१ को जित दिलाए ।

जितसँगै ब्राइटन १८ अंक जोडेर सातौं स्थानमा उक्लिएको छ । भने चेल्सी पाँचौं स्थानमा रहेको छ ।